|
Sambang makam Bung Karno 2009 |
|
|
|
|
Ditulis Oleh coim
|
|
Saturday, 18 April 2009 |
 Unak-unuk sobo Perpus Bung Karno nyatakne jare mari mbangun gedung theater. Naliko grebek pancasila tahun kepungkur aku melok nyekseni peletakan batu pertama nek lahan kosong sak kulone perpus Bung Karno arep dibangun monumen GONG Perdamaian. Ndilalah wujud'e gedung terbuka. Design interior disesuekne karo gedung perpus, katon nyawiji yen disawang teko plataran ngarep perpus Bung Karno.
 Wis sawetoro suwe nggonku ndeleng gedung terbuka sing dijenengi Gedung AMPHITHEATER lan wis diresmek'ne kang Djarot Saiful Hidayat wulan pebruari 2009 wingi, aku terus sowan nang pesarehane pepunden wong sak indonesia, Bung Karno. Sak jane wis podo ora nggumun tur yo dadi hal biasa yen to ziaroh nang pesarehan kono, ning iso nyempatne lungguh terus kirim dedungo nyuwun agunge pangapuro dumateng kang murbeng dumadi, kalebu jarang sing kober ngelakoni, aku dewe durung mesti iso setahun pisan ngelakoni masio papan panggonane nang ngarep mata.  Jumangkah metu ko paseban makam Bung Karno, mituhu opo kang wis ginaris, dalah panah pinuntun 'jalan keluar' soko pasarean. Arah mengalor sisih wetane pesarehan persis, nemoni lorong ciut kiro-kiro hamung sak meter ambane lan seket meter dawane. Nang kono akeh wong nyegat nawakne aksesoris koyo nang tempat-tempat wisata liyane. Pungkasane lorong, ora setitik enek wong sepuh-sepuh podo ndoprok ngadep komplong, ngemis, nyuwun separing-paring. Lumrah.... ! Indonesia banget.  Ngen-ngenku ternyata salah! Tak kiro sak wise lorong entek terus nemu plataran ombo mertandani yen wis metu soko lingkungan makam Bung Karno. Tiba'e terus mlebu kios-kios bakul aksesoris lan barang-barang berbau Soekarnoisme. Panggonan kuwi Kiro-kiro ambane rongatus seket meter persegi, sumpek tur pengab, angel ambek'an saking kebake barang dagangan. Jalur utowo dalan metu digawe mlungker-mlungker kaya ulo, apik kanggone wong sing dodolan, tapi bingung kanggone pengunjung sing arep metu, mergo suwe anggone nemokne gapuro 'keluar'. Opo maneh pratondo 'Pintu keluar' minim banget, sopo wae sing ora tau mlebu area kuwi bakal deg-deg'an iso metu opo ora. Mbasan teko njobo, tibane tjekether! Yen disawang kahanane ora koyo metu teko panggonan kaliber nasional, tapi katon membress blekethekan, tur ora mesro! Mungkin memang sik durung mari anggone mbangun, dadi yo sak anane.
|
Soegeng Rawoeh wonten ing wisma aloemni SMAN 1 Blitar tahoen 1993. Minangka damel ngeraketaken saha nambahi raos sih katresnan toemprap sesami aloemni'93, pramilo kanthi nyoewoen pangestoenipoen, moegi-moegi songotelu.com saget maringi manfaat ing dalem njengkoejoeng saha ngoeri-ngoeri pasedoeloeran aloemni'93 meniko, noewoen !
Coretan 93 
